مذكرات طالب جامعي
كل شخص ممكن تسأله ؛ : شو احلى مرحله بحياة الانسان … الأغلبية راح تقولك مرحلة الجامعة … وأنا مع هاي الأغلبية بالرأي …
و بقول :
•الحياة الجامعية أحلى حياة … لما تكون طالب و مصروفك مش مكفيك،
و دايما بتفكر كيف بدك تجيب مصاري .
•الحياة الجامعية أحلى حياة … لما تطلع عالجامعة و يكون في طابور عالباصات
و تقعد تستنى الدور لحد ما يفرجها ربك؛ وتروح عليك اول محاضره اذا مش اول محاضرتين.
•الحياة الجامعية احلى حياة … لما تروح عقاعة المحاضرة و يشرح الدكتور و ما تفهم اشي …
ولما تدرس كتير لحد ما تبطل تقدر تشوف الضو …. وغيرك بالواسطه بياخد تسعينات …
ولما …. ولما …. ولما …
وكل هاي الشغلات بتخلي الحياة الجامعية احلى حياة …
فأنا بقول … أفرحوا يا طلاب الجامعه ..
انتوا عايشيين احلى حياة …
افرحوا و نطوا و معطوا شعركوا من الفرح …
انتوا طلاب جامعة
نيالكم
عنجد انا اليوم حسدت كل حدا راح عالجامعة