......ماشوف تحبني
ما اشوفك تحبني وجنــــت انت بعيد*** اشما اقرب عليك ازيد حسراتك
اذا خايف احرجك كلي ليش تخاف *** ماريد انه اصبح سبب مأ ساتك
احسب للطــريق وشوف دربك زين***بس اني اعتقد حاسب حساباتك
مرات اني اشوفك قمـــــة بالاشواك***ومرات احس قلبك عكس نظراتك
اشوفك ترف واطمع عالترافة البيك***اجيك وتنقلب قاسي بعلاقاتك
يـ(حاتم) بالكرم واكثر بعد للنــاس***بس وياي تبخل ليش ساعاتك
تلعب على جروحي وتضحك ومرتاح ***واني بطيبة قلب احمل جراحاتك
واضح وية غيري وغامض انت وياي***اتمنى اني غيري واحوي ضحكاتك
بس راح اعوفك وانشغل بالــــروح ***وا تلكي من يمسح غيري دمعاتك