إنت وينك....؟
إنت وينك ليش عن عيني تغيب...؟
وإنت في بالي ومن قلبي قريب...
ليش تتركنا وتحيا في بعاد...؟
وإن دعيت للتداني ما تجيب...
ليش بعد الوصل حبيت الفراق...؟
وابتديت السير في الدرب الصعيب...
ليش تجعل وصلنا يصبح غياب...؟
والفرح يغدوا بقلبينا نحيب...
ليش تترك دمع عيني بإنسكاب...؟
في غيابك والدفى فيني لهيب...
إنت وينك طال بالعمر السفر...؟
وإنت في غربه وأنا مثلك غريب...
يا حبيبي قد مضى عمري و مر....
وإنطوى وقتي وإنا مالي حبيب...
غير طيفك وانتظاري والسهر...
وللأسى والليل والصمت الرهيب...
والجروح اللي غدت فيني قدر ...
ما يداويها سوى وصلك طبيب...
إنت وينك طال في الغربه مداك...؟
أنت وينك رد يا خلي وجيب...؟